المساعد الشخصي الرقمي

مشاهدة النسخة كاملة : طريقة عمل كعك بالعجوة


تيسير عبد الرحمن بابكر عل
06-09-2011, 06:47 PM
كعك بالعجوة
المقادير
-رطل سمن مجمد
- ملعقتين جوز هند
-ملعقتين سمسم محمس
- ملعقتين لبن بودرة
- ملعقة كبيرة كافور
- ملعقة صغيرة فانيليا
- ماء بارد (بمقدار علبة المربى الصغيرة )
- ملعقة صغيرة باكنج بودر
- ملعقة صغيرة ملح
- دقيق حسب العجنة
- عجوة للحشو
الطريقة
يخلط السمن والماء ويضرب جيدا ثم تضاف بقية المكونات عدا الدقيق ويضرب جيدا ثم يضاف الدقيق ثم يتم فرد العجنة وعمل الكعك والذى يتم حشو ه
بالعجوة ثم يدخل الى الفرن ومن ثم تقدم .......وبالهناء والشفاء

مرتضى الكجم
06-09-2011, 09:07 PM
عاوزين شرح اوفى .... وصورة كمان

شكرا تيسير

سوما
06-09-2011, 09:14 PM
تسلمي تيسير على الوصفة الحلوووة دي
والله يديك الف صحة وعافية
وان شاء الله بجربها في العيد وبوريك النتيجة
طبعا الكعك بالعجوة اشكاله كتييرة ده شكل http://www.lakii.com/img/all/Nov09/H0J5sk11260335.jpg
وده كمان شكلhttp://www.chefosama.com/adminpanel/Recipe_Images/Recipe_Image_1252571817.jpg
في بعض ربات المنازل بلفو الكعك وما بحشوه بالعجوة وبقطعوا بالسكين وبرشو بالسمسم وده بسموا المنين
والبعض الاخر بيحشوهو بالمربى
تسلمي عزيزتي
جزيت خيرا

سيدة عجيب
06-09-2011, 09:26 PM
خوفا من مشاكل الكلسترول ياتيسير رطل سمن دا كتير شويه يمكن استبداله بالزيت النباتى وماباثر لانه ريحه الكافور بتجيب الفرق

تيسير عبد الرحمن بابكر عل
06-09-2011, 09:29 PM
شكرا يامرتضى وسوما وسيده
معليش الليلة مرهقة شوى مامركزة خالص اصلا هو كعك ناعم يعنى نوع من الخبائز ماهو كعك الزيت ياسوما زى المدور الفى الصورة الفوق لا دا بالفرن ......طبعا الايام دى خاشة كورس خبائز وحاكتب ليكم كل مرة حاجة ....
ويا مرتضى حاضر ليك علىً حاشرح ليك بالتفصيل
بتجيب السمن ولازم يكون جامد بتضيف ليه جوز الهند ولبن البدرة والكافور (مسحون طبعا)والفانيليا وتخلطهم شديد وبعده تضيف السمسم بحيث توزعه جيدا وبعد داك بتضيف الدقيق ويكون مخلوط معه الباكنج بودر وتخلط العجينه باضافة الماء اليه طبعا وعايز اقول انه كميه الماء وكمية السمن ونوعه يتاثران ببعض فمثلا اذا كان السمن نباتى كمية الماء بتكون اكثر يعنى يمكن تصل لبرطمانين صغيران بعلبة المربى كمقياس اما السمن البلدى فتقل معه كمية الماء لتصل لعلبة واحدة او علبة ونص .والافضل علبة ونص عشان يكون شايل حيلة .كده كويس ...ولا لسه ماواضح ...اذا فى حاجة ماواضحة حددها وماعندك اى مشكلة .........أما الصور انا ما بعرف انزل صور بس احاول ومعاك سوما وسيدة وكل البقية اذا لقوا صور ليهو ينزلوها طوالى ودمتم
وياسيده
انا معاك فى حكاية تقليل السمن وكده بس الكعك الناعم مابيتاكل بكميه كبيرة فى وقت واحد زيو وزى بقية الخبائز بس هى الطريقة كده لكن بالزيت ماعارفة حاتكون النتيجة هى هى ولا لا لكن يمكن التجربه وتشكرى على التعليق

سوما
06-11-2011, 09:12 PM
الكعك المدور ده امي بتعملوا بطريقة رهيبة
جدا اسموا كعك بالعجوة يا تيسير
واكتر شي مشهورين يعملوهو بالطريقة دي الفلسطنينين والليبين
برشو بفوق باليانسون
او السمسم